عالم صيادلة المستقبل

السلام عليكم
اهلا بك زائرنا الكريم
مرحبا بك في عالم جديد يتفاعل فيه الصيدلي مع الناس ويقدم كل ما يمكنه من خدمات
من فضلك سجل هنا لكي تجد عالما جديدا يصلح لكل الناس وليس للصيادلة فقط
عالم صيادلة المستقبل

نحن في خدمة الله تعالى .. نقدم للناس ما يمكننا فعله .. ويشاركونا في جعل المجتمع أفضل .. ونكون بمجهودنا ومجهودهم منتدى مفيد أبطاله ليس الشباب فقط ولكن الناس كافة من كل الطوائف


    سيادة المخلوع ... ارجع لنا ..... أحمد فؤاد نجم

    شاطر
    avatar
    dr.aml fathi
    مدير
    مدير

    عدد المساهمات : 1087
    نقاط : 2138
    مستوى التقييم : 34
    تاريخ التسجيل : 18/11/2010

    سيادة المخلوع ... ارجع لنا ..... أحمد فؤاد نجم

    مُساهمة من طرف dr.aml fathi في الخميس أبريل 28, 2011 7:12 pm

    سيادة المخلوع .... ارجع لنا


    سيادة المخلوع ... ارجعلنا
    مش انت واحد مننا ؟؟
    و عمرك في يوم ما سرقتنا
    ...
    ولا خدت مليم مننا

    ما تيجي طب ترجعلنا

    تقعد بأهلك وسطنا

    أهو مرة تاكل أكلنا

    وتلبس يا خويا من لبسنا

    وتعيش في حارة او في شارع زينا

    قلت ايه ؟؟ يا حارق دمنا

    سيادة المخلوع ... ارجعلنا
    وغداك يا سيدي عندي أنا
    رز و بطاطس مسرطنة

    لحمة ؟؟... مفيش من سنة

    فاكهة ؟؟... تعيش انت و أنا

    و الشاي .. بآخر معلقة م السكر اللي كان عندنا

    اشرب و فوق وركز بقه
    .. علشان نكمل حكينا
    سيادة الرئيس ... ارجعلنا
    مش سبت الحكم .. لأجلنا ؟؟
    ـ
    ما تيجي تسمع حكمنا !!
    أفكرك ؟؟ ولا انت فاكر زينا
    قطر اتحرق من كام سنة

    وغازنا اللي طار من أرضنا ... لعدونا

    وعبارة مللي بيغرقوا ..!! غرقت في عرض البحر و راحوا أهلنا
    ... و الجاني فلسع مننا

    ومركبة بأحلى شباب ... ييجوا من ايطاليا غرقانين .. والقرش ياكل لحمنا

    والله كانوا زينا
    ويمكن أحسن مننا
    لهم بيوت و ولاد و عيشة و حلم .. زي حلمنا
    اتغربوا و اتبهدلوا .. لما الفساد طال كل حاجة في أرضنا
    واللي ما ماتش .. قاعد في غربته .. والغريب بيذلنا
    اقول كمان ؟؟ ولا كفاية ... و اهو انت عارف عننا
    أصبر هتسمع حكمنا
    سيادة الرئيس ... ارجعلنا

    ولو انت واحد مننا
    فعلا يهمك أمرنا
    بينا عالنائب العام .. تفتنله على ولاد الحرام ... مصوا بلدنا و دمنا
    و افتن دي فتنة مش حرام .. ده حقنا
    دا لو انت واحد مننا
    أصبر هتسمع حكمنا
    سيادة الرئيس ... ارجعلنا

    اقعد معانا و زينا

    هعرفك .....ـ
    دي (أم خالد) أمنا
    ودول أهل (سالي) أهلنا

    و(عمر بن بنونة ) إبننا
    فسر و احكي و قللهم .. و قللنا
    واستسمح الروح اللي منورة في الجنة عند ربنا

    هتقول مكنش قصدنا ؟؟
    دول ماتوا غصب عننا ؟؟
    كداب و فاجر .. و اللي يصدقك زيك .. والكدب ريحته منتنة
    تتشل إيد اللي ضرب ،، و اللي أمر ،، و عليكوا لعنة ربنا

    أصبر هتسمع حكمنا

    أيوه بقول ارجع لنا

    ياللي سرقت حلمنا
    وغربتنا و نهبتنا
    ... و في كل حتة أهنتنا
    إحنا اللي سال دمنافي الأربعين و اسكندرية و التحرير يشهدلنا
    آدي القفص ... أقف هنا
    والشعب يحكم .. مش أنا
    صدقني ... هي بينة
    من فوق سبع سماوات .. قالها ربنا
    العين بالعين والسن بالسن ... و هو دا بقه حكمنا
    ... و مفيش غيره عندنا















    avatar
    تفاؤل
    مشرف
    مشرف

    عدد المساهمات : 82
    نقاط : 115
    مستوى التقييم : 15
    تاريخ التسجيل : 21/11/2010

    رد: سيادة المخلوع ... ارجع لنا ..... أحمد فؤاد نجم

    مُساهمة من طرف تفاؤل في الإثنين يوليو 04, 2011 10:13 pm

    أعاننا الله على إصلاح ما أفسدته سنوات قهر و ظلم و فساد طويلة
    اللهم ول علينا خيارنا و انتقم لنا ممن ظلمونا إنك على كل شيء قدير









      الوقت/التاريخ الآن هو الجمعة نوفمبر 24, 2017 5:50 am