عالم صيادلة المستقبل

السلام عليكم
اهلا بك زائرنا الكريم
مرحبا بك في عالم جديد يتفاعل فيه الصيدلي مع الناس ويقدم كل ما يمكنه من خدمات
من فضلك سجل هنا لكي تجد عالما جديدا يصلح لكل الناس وليس للصيادلة فقط
عالم صيادلة المستقبل

نحن في خدمة الله تعالى .. نقدم للناس ما يمكننا فعله .. ويشاركونا في جعل المجتمع أفضل .. ونكون بمجهودنا ومجهودهم منتدى مفيد أبطاله ليس الشباب فقط ولكن الناس كافة من كل الطوائف


    أقوى سلسلة مغامرات مع فئران التجارب ... تابعونا .. ومن لديه موقف مع إخواننا الفئران يتفضل معانا

    شاطر
    avatar
    dr.aml fathi
    مدير
    مدير

    عدد المساهمات : 1087
    نقاط : 2138
    مستوى التقييم : 34
    تاريخ التسجيل : 18/11/2010

    أقوى سلسلة مغامرات مع فئران التجارب ... تابعونا .. ومن لديه موقف مع إخواننا الفئران يتفضل معانا

    مُساهمة من طرف dr.aml fathi في الإثنين ديسمبر 06, 2010 9:13 pm




    السلام عليكم ورحمة الله وبركاته


    أكيد كلكم عارفين الفئران البيضة الامورة قوي اللي احنا كنا بتشتغل عليها في الكلية

    أحلي حاجة فيه إن ودانه بمبي وديله بمبي وهو لونه أبيض يعني شبه الأرنوب

    محدش يزعل من التشبيه ده بس شوفه جمال خلق الله حتي في الفئران ، أبيض وبمبي ، المزيج ده علي فكرة بحبه قوي في الملابس ، بس مش معني كده إن أنا متأثرة بفئران المعمل

    الفئران ديه كان ليها مواقف كتيرة معانا ، سأحاول أن أقص بعضها عليكم ،بس النهاردة انا كنت بفكركم بيهم

    علي فكرة أنا كنت أكتر واحدة باعرف امسك الفأر وكان صحابي بيحسدوني علي كده (علي ايه يا خي كانوا يحسدوني علي حاجة عدلة) بس الحمد لله انهم محسدونيش علي حاجة تانية

    الي اللقاء مع مواقف الفئران الأمورة

    تصبحوا علي خير









    عدل سابقا من قبل dr.aml fathi في الخميس ديسمبر 16, 2010 9:37 pm عدل 2 مرات













    avatar
    dr.aml fathi
    مدير
    مدير

    عدد المساهمات : 1087
    نقاط : 2138
    مستوى التقييم : 34
    تاريخ التسجيل : 18/11/2010

    ومسكت الفار

    مُساهمة من طرف dr.aml fathi في الأربعاء ديسمبر 08, 2010 7:36 pm







    جينا تاني علشان نكمل كلامنا عن الفئران

    ذي ما قلت قبل كده إن أكبر مشكلة في التعامل مع الفئران هي اذاي نمسكه
    ليه بقي؟
    علشان حضرة الفأر ممكن يعضنا عضة محترمة
    وممكن يطلع يهرب مننا وابقوا شوفه مين يمسكه
    وكمان المشكلة الكبري هي احساس الواحد انه ماسك فأر
    الاحساس ده كنت بتغلب عليه بإني ألبس جوانتي
    لكن اذا هربت من احساس القرف ، اذاي أهرب من احساس الشفقة تجاه الكائن المسكين اللي احنا عمالين نحقنه بكافة أنواع الأدوية

    فكان علاج الاحساس ده عندي إني أحسس نفسي إني انسانة قاسية جدا، وإن أنا لازم أكون قاسية مع كل من أتعامل معه(طبعا بمثل علي نفسي بس أعمل ايه غصب عني)

    أول مرة أمسك الفأر:
    كان في سكشن الفارماكولوجي ، وكانت المعيدة ماسكة الفأر في ايدها بتلعب في ديله كأنه ابنها
    كان طبعا مشهد مثير للأعصاب، لكن كان لازم أتغلب عليه

    جاء العامل ورمي أمامي الفأر وكان حظي في فأر نونو ، وطبعا قفزت عليه وكأني في مسابقة علشان ألحق أمسكه قبل هروبه
    وبعدين المفروض امسكه من ودانه بالسبابة والابهام وأحط ذيله بين الخنسر والبنسر

    حاولت امسك ودانه ، أبدا، أجيله من هنا يلف علشان يعضني ، أجيله من الناحية التانية يلف برده علشان يعضني
    فعملت فكرة ، لأن الفأر من الحيوانات الذكية ، نزلت بيه أسفل البنش وأنا مسكاه من ذيله ، فطبعا حاول يجري تحت البنش ، فضلت امشي بايدي معاه واحدة وحدة لحد ما عينيه ادارت تحت البنش رحت هاجمة عليه ومسكت ودانه والحمد لله

    وأصبحت طريقتي ديه طريقة تُدَرَّس في الكلية( طبعا داخلي بينا وبين أصحابنا)
















    avatar
    تفاؤل
    مشرف
    مشرف

    عدد المساهمات : 82
    نقاط : 115
    مستوى التقييم : 15
    تاريخ التسجيل : 21/11/2010

    رد: أقوى سلسلة مغامرات مع فئران التجارب ... تابعونا .. ومن لديه موقف مع إخواننا الفئران يتفضل معانا

    مُساهمة من طرف تفاؤل في السبت ديسمبر 11, 2010 1:09 am

    الفيران البيضا كنت معجبة بيها اوي و زي ما قلتي كانت بتفكرني بالارانب
    لما كان المعيد في السكشن بيقول لنا ما تخافوش لو فار عضكم ده إحنا اللي ساعتها نخاف على الفار أحسن يتسمم ده بياكل أحسن منكم......منتهى الاحترام
    طبعا كنت بالبس جوانتي و أطارد الفار و مسكته مره من ديله راح لف نفسه و عضني في صباعي ما حستش بنفسي غير و أنا بشتمه بقوله (يا حمار) و باحدفه من ايدي جه في قفا المعيد
    و كده أخدت تاري من المعيد و رجعت البرستيج بتاع الطلبة لما شافوا الفار على ياقة قميصه





    avatar
    dr.aml fathi
    مدير
    مدير

    عدد المساهمات : 1087
    نقاط : 2138
    مستوى التقييم : 34
    تاريخ التسجيل : 18/11/2010

    رد: أقوى سلسلة مغامرات مع فئران التجارب ... تابعونا .. ومن لديه موقف مع إخواننا الفئران يتفضل معانا

    مُساهمة من طرف dr.aml fathi في السبت ديسمبر 11, 2010 5:47 pm

    تفاؤل كتب:الفيران البيضا كنت معجبة بيها اوي و زي ما قلتي كانت بتفكرني بالارانب
    لما كان المعيد في السكشن بيقول لنا ما تخافوش لو فار عضكم ده إحنا اللي ساعتها نخاف على الفار أحسن يتسمم ده بياكل أحسن منكم......منتهى الاحترام
    طبعا كنت بالبس جوانتي و أطارد الفار و مسكته مره من ديله راح لف نفسه و عضني في صباعي ما حستش بنفسي غير و أنا بشتمه بقوله (يا حمار) و باحدفه من ايدي جه في قفا المعيد
    و كده أخدت تاري من المعيد و رجعت البرستيج بتاع الطلبة لما شافوا الفار على ياقة قميصه




    والله أجدع حاجة عملتيها

    ...













    avatar
    dr.aml fathi
    مدير
    مدير

    عدد المساهمات : 1087
    نقاط : 2138
    مستوى التقييم : 34
    تاريخ التسجيل : 18/11/2010

    الفأر دخل جوا الهدوم

    مُساهمة من طرف dr.aml fathi في السبت ديسمبر 11, 2010 7:09 pm



    الفأر دخل جوا الهدوم

    السلام عليكم ورحمة الله وبركاته

    هيه ، بينا نرجع تاني للفئران وحكايتهم

    موقف اليوم : الفأر دخل جوا الهدوم

    أيوه الفأر دخل جوا الهدوم ...





    ...أستنوا بس شوية .......

    مدخلش جوا هدومي أنا .....لا وألف لا ، أنا كنت ممكن أنتحر لو ده حصلي (بعد الشر عني الفأر والإنتحار طبعا)

    أنا حاحكي لكم اللي حصل ، ويا ريتو ما حصل.....

    كنا في معمل الفارماكولوجي ، وكنا بنعمل تجارب علي الفئران
    وكان من وسطنا بنت منقبة اسمها أميرة...
    بس بعد اللي حصلها أعتقد إنها غيرت اسمها....
    طبعا كُم البالطو بتاعنا بيبقي واسع وممكن يخبي قطة
    كانت يا عيني بتمسك الفأر علشان تحقنه بالدواء ، طلع يجري منها....
    حاولت تمسكه ، راح نط بسرعة داخل الكُم.....
    حاولت تجيبه من جوا الكُم ، راح داخل جوا الهدوم.....



    أميرة بقت تصوت....
    وصحابها يصوتوا....
    والمعيد بيجري.......
    والدكتورة تقول هو فيه ايه؟

    واحنا نفسنا نشوف ايه اللي بيحصل...

    آه ، آه ، بس الحمد لله الفأر خرج وروح،
    ppp بس أميرة معرفتش تخرج من الأزمة النفسية اللي مرت بيها

    وبصراحة إحنا كمان مرحمنهاش تريقة، اللي سكِّتنا اننا خوفنا يحصلنا زيها في يوم من الأيام..

    يلا ، كانت أيام وعدت.....
    yy
















      الوقت/التاريخ الآن هو الإثنين أكتوبر 23, 2017 1:27 pm